هنتكلم انهارده عن إيصال الأمانة و اطرافة و ازاي يتكتب بشكل صحيح

اول و اهم حاجه ان كامل بيانات الايصال تتكتب بخط ايد مستلم الفلوس و مينفعش يكون ايصال امانه علي بياض و بعدها انت تكتب المبلغ اللي انت عاوزه عشان ده عشان ده ممكن يحولك من مجني علية لمتهم وفقا للمادة 340 من قانون العقوبات

مش بس الطرف اللي ماضي علي الايصال هياخد براءه ده هياخد عليك حكم بالحبس بتهمة خيانة الامانه . نيجي بقي لخطوات كتابة ايصال الامانه بشكل صحيح

1- اسم المستلم بيكتبه رباعي زي ما مكتوب في بطاقة الرقم القومي

2 محل اقامتة ( و ده بيكون المكان اللي بترفع فيه الايصال لو لاقدر الله مسددش ليك المبلغ ) ولازم يكون مطابق للبطاقة

3- رقم البطاقة و تاريخ صدورها .

4 – استلم المبلغ من السيد ( اسم اللي سلمة الفلوس اللي هيكون معاه ايصال الامانه )

5, 6 – قيمه المبلغ رقميا و بالعربي و نحاول المبلغ يكون حقيقي مش رقم غير معقول يعني مينفعش اني اسلم واحد دخله محدود مبلغ 2 مليون جنيه.

7 – بنكتب اسم الشخص اللي عاوزين يوصل له الفلوس و نراعي اهم حاجه بردو انه يكون شخص معقول مينفعش ادي مثلا واحد فلوس عشان يوصلها لاخويا اللي ساكن معايا في نفس البيت .

8 , 9 – اخر حاجه بيكتب اسمه و توقيعه و بصمته

و اهم شي يكون معاك صوره بطاقة الشخص اللي هتسلمه الفلوس عشان تعرف ترفع الايصال عليه لو حصل شي لاقدر الله . 💙