طب علشان المتهم ياخد عقوبة لازم يبقا عندنا تلات.

▪️لازم وقوع جريمة. 👈 يعني المتهم يقوم بفعل يجرمه القانون.

▪️توافر مسئولية جنائية عنها. 👈 يعني المتهم ده ينفع نساله جنائياً ده لان في اشخاص غير مسئولين جنائياً زي المجنون والطفل.

▪️إمكان رفع دعوى جنائية عنها. 👈 و ده لان الجريمة ممكن تقع و يكون الشخص مسئول عنها ولكن لا يعاقب لأن القانون لا يبيح رفع دعوى جنائية عنها مثلا فهذا يعد مانع من رفع الدعوى الجنائية وقد تكون الدعوى الجنائية تقادمت وانقضت بمرور الزمن.

♦️س : طيب يعني اي كلمة جريمة؟

الجريمة هي كل فعل أو امتناع منصوص عليها في قانون العقوبات.

والجريمة لها ركن شرعي 👈( نص يجرم الفعل ويعاقب عليه) وهذا الركن هو أهم ما يميز القانون الجنائي عن غيره من كل فروع القانون الأخرى ” لا جريمة ولا عقوبة إلا بنص “

وللجريمة ركن مادي 👈( لا جريمة دون سلوك مادي فلا عقاب لدينا في الجنائي على النوايا).. وعلشان كدا مهما الانسان فكر وخطط انه يرتكب جريمة مش هيتحاسب عالنفكير ده الا لو خرج لحيز التنفيذ.

وبرضو للجريمة ركن معنوي 👈 وهو الممثل في صورة القصد الجنائي (النية). يعني لازم يكون المتهم قام بالفعل ده وهو قاصد كدا. وعلشان كدا في عندنا جرائم الخطأ وجرائم العمد ودول الفرق بينهم هو هل المتهم قاصد فعلا يقوم بالفعل المجرم ولا جاء بالفعل عن طريق الخطأ.